Tief verschneyt sind Fäld ond Wald,
de Samichlaus dä chond scho bald.
Es schneyelet ganz lys ond fyn.
Jetz gsehn ech det e Liechterschyn.
De Chlaus chond met em roote Gwand,
är treid de Goldstaab i de Hand,
ond s'Esali tramped hendedry.
Chond är ächt au bi mer verby?
Jetz chlopfeds a de Tööre scho,
ech ha so planged ond be froh.
De Samichlaus bringt d'Liebi mit,
denn d'Wiehnachtszyt esch nömme wyt!
Katharina Vögtli-Kern